مختار عباس نقوی نے کانگریس کو غیر فعال اثاثہ قرار دیا

بھارتیہ جنتا پارٹی (بی جے پی) کے سینیئر لیڈر اور مرکزی وزیر مختار عباس نقوی نے کہا کہ کانگریس خود ایسی ’نان پرفارمنگ ایسٹ‘ (غیر فعال اثاثہ) ہے جس کی باہر نہ کوئی قیمت ہے، نہ اندر والے اس کی کوئی قیمت لگارہے ہیں۔

مرکزی وزیر مختار عباس نقوی نے نامہ نگاروں سے کہا کہ یہ ’ڈیفالٹر ڈائنسٹی کی ڈپریسڈ ڈنگ‘ ہے۔ کانگریس ’کنفیوزن اور کنٹراڈیکشن کی چمپیئن‘ بننے میں لگی ہے۔

انہوں نے کہا کہ جہاں ایک طرف مودی حکومت اور بی جے پی ’ملک کے کنسٹرکشن‘ میں مصروف ہیں، وہیں کانگریس ملک میں ’ڈسٹرکشن کی ڈگ ڈگی‘ پیٹ رہی ہے۔ نقوی نے کہا کہ کانگریس کی حالت پر اتنا ہی کہا جاسکتا ہے ’گڈ لک اینڈ گیٹ ویل سون‘۔

یو این آئی