کانگریس نے چین مسئلہ پر ملک کو گمراہ کرنے کا وزیر دفاع راج ناتھ سنگھ پر الزام عائد کیا۔ کانگریس کے ترجمان رندیپ سنگھ سرجے والا نے کہا کہ مودی حکومت، اس تیقن کے بغیر ہی لداخ سے سپاہیوں کو پیچھے ہٹارہی ہے کہ اپریل 2020 کے موقف کو بحال کیا جائے گا؟
انہوں نے وزیراعظم سے سوال کیا کہ ’کیا وہ اور وزیردفاع بھارت کی علاقائی سالمیت کے تحفظ میں اپنی ناکامی کی وضاحت کرسکتے ہیں؟ انہوں نے مزید کہا کہ ’وزیراعظم، چین کو ایک لفظ بھی کچھ کہنے سے خوف کھاتے ہیں‘۔
وزیر دفاع راج ناتھ سنگھ نے پارلیمنٹ کے ایوان بالا میں بتایا تھا کہ ’بھارت اور چین نے مشرقی لداخ میں پینگانگ جھیل کے شمالی اور جنوبی کناروں سے پیچھے ہٹنے سے اتفاق کرلیا ہے۔ انہوں نے یہ بھی وضاحت کی تھی کہ بھارت نے بات چیت کے دوران کوئی بھی غیرواجبی مطالبہ کو قبول نہیں کیا ہے۔
