جامعہ ملیہ اسلامیہ میں بطور وائس چانسلر تین سال مکمل ہونے پر پروفیسر نجمہ اختر کو جامعہ انتظامیہ کی جانب سے تہنیت پیش کی گئی۔ اس تقریب کے دوران جاسا JASA کے جنرل سکریٹری نسیم احمد نے کہا کہ گزشتہ تین برسوں میں پروفیسر نجمہ اختر کی قیادت میں یونیورسٹی کی جو حصولیابیاں رہی ہیں انہیں فراموش نہیں کیا جاسکتا ہے۔ Prof. Najma Akhtars Completaion Of Three Years
جامعہ کے ملازمین کے لیے شیخ الجامعہ کی جانب سے کی جانے والی کوششوں کا انھوں نے شکریہ ادا کیا۔ اس موقع پر جاسا کے جملہ عہدیداران موجود تھے۔ اس موقع پر شیخ الجامعہ نے اعزاز کے لیے جاسا کا شکریہ ادا کیا اور کہا کہ یونیورسٹی کا غیر تدریسی عملہ یونیورسٹی کی ریڑھ کی ہڈی کی حیثیت رکھتا ہے۔
انھوں نے کہا کہ گزشتہ تین برسوں میں جو بھی قومی اور بین الاقوامی اعزازات اور حصولیابی ادارے کو ملی ہیں وہ جامعہ کے ملازمین کی بطور ایک ٹیم کاوشوں کا ثمرہ ہیں۔
