اس کے علاوہ کیجریوال نے بتایا کہ جن کے پاس راشن کارڈ ہیں۔ ایسے 71 لاکھ لوگوں کو ہماری حکومت ساڑھے 7 کلو راشن مہیا کرا رہی ہے۔
لیکن جن کے پاس راشن کارڈ نہیں ہے ایسے بھی بہت سے غریب لوگ ہیں۔ ان کے لیے بھی حکومت نے ویب سائٹ جاری کر دیا ہے۔ جہاں سے فارم بھر سکتے ہیں۔
چھ لاکھ لوگ ایسے ہیں جنہوں نے گزشتہ کئی سالوں سے راشن کارڈ کے لئے اپلائی کیا ہے، انہیں راشن دیا جائے گا۔
اس کے علاوہ کل سے اب تک ویب سائٹ پر 40 سے 50 ہزار لوگ رجسٹر کر چکے ہیں، ان سب کو بھی راشن دیا جائے گا اور یہ کام دو دنوں کے اندر شروع کر دیا جائے گا۔ ان لوگوں کو پانچ کلو راشن فی شخص دیا جائے گا۔
کیجریوال نے کہا کہ اسپتالوں میں (پی پی ای کٹ) پرسنل پروٹیکٹیو اکوپمنٹ کٹ کی کافی کمی ہوگئی ہے، جس کے لیے انہوں نے مرکزی حکومت کو گزشتہ شب ہی ایک خط لکھا ہے جس میں فوری طور پر پی پی ای کٹ کی ضرورت کو بتاتے ہوئے ان سے مدد مانگی گئی ہے۔
کیجریوال کا کہنا ہے کہ ڈاکٹرز اور نرسز اور سارے اسٹاف کی صحت کو لے کر وہ بہت پریشان ہیں اور وہ نہیں چاہتے کہ ڈاکٹر نے نرس کو بغیر پی پی ای کٹ کے مریضوں کا علاج کرنا پڑے۔
