قومی دارالحکومت دہلی کے وزیر اعلی اروند کیجریوال اور ان کے والدین کو ایل این جے پی اسپتال میں کورونا ویکسین کی پہلی خوراک دی گئی۔ تینوں افراد کو کوڈشیلڈ ویکسین دی گئی ہے۔
واضح رہے کہ وزیر اعلی کیجریوال کی عمر 52 برس ہے۔ وہ ذیابیطس کے مرض میں مبتلا ہیں اور اسی وجہ سے وہ کو۔ماربیڈ کے زمرے میں آتے ہیں۔ وزیر اعلی اپنے والدین کے ساتھ ویکسین کی خوراک لینے آئے تھے۔
یکم مارچ سے ملک بھر میں ویکسینیشن مہم جاری ہے۔ کووڈ 19 عالمی وبا کی روک تھام کے لیے ٹیکہ کاری کے تیسرے مرحلے میں 60 سال سے زیادہ عمر کے افراد یا کسی مرض میں مبتلا 45 سال سے زیادہ عمر کے افراد کو مفت خوراک دی جا رہی ہے۔
