وزارت نے سی جی ایچ ایس کے تحت پینل والے نجی ہسپتالوں / تشخیصی مراکز میں علاج کی سہولت حاصل کرنے میں ہو نے والی مشکلات کو دیکھتے ہوئے سی جی ایچ ایس کے تحت پینل والے تمام صحت کی خدمات تنظیموں (ایچ سی او) کو اس ضمن میں حکم جاری کیا ہے۔
حکم کے مطابق، تمام سی جی ایچ ایس کے تحت پینل والے ہسپتال، جنہیں ریاستی حکومتوں کی طرف سے کووڈ-ہسپتالوں کے طور پرنوٹیفائڈ کیا گیا ہے، کووڈ سے متعلق تمام علاج کے لئے سی جی ایچ ایس کے معیار کے مطابق سی جی ایچ ایس کے مستفیدین کو علاج کی سہولت فراہم کریں گے۔ اسی طرح یہ بھی ہدایت کی ہے کہ تمام سی جی ایچ ایس پینل والے ہسپتال، جنہیں کووڈ ہسپتالوں کے طور پر نوٹیفائی نہیں کیا گیا ہے، وہ سی جی ایچ ایس مستفیدین کو علاج کی سہولت دینے / بھرتی کرنے سے انکار نہیں کریں گے اور دیگر تمام علاج کے لئے سی جی ایچ ایس کے معیار کے مطابق ہی فیس لیں گے۔ ان ہدایات کی خلاف ورزی کئے جانے کی صورت میں کارروائی کی جائے گی۔
