سروودیا بال ودیالیہ جامع مسجد اسکول کے پرنسپل غیور احمد نے اپنے اسکول کے نتائج کے بارے میں بتاتے ہوئے کہا کہ متعدد دشواریوں کے باوجود ہماری اسکول کے گز شتہ 7 برسوں سے مکمل طور پر صد فیصد نتائج آرہے ہیں۔
حالانکہ انہوں نے اسکول میں اساتذہ کی کمی سے متعلق شکایت کرتے ہوئے کہا کہ تمام پریشانیوں کے باوجود ہمارے اسکول نے بہتر نتائج حاصل کیے ہیں۔ انہوں نے بتایا کہ ایسا پہلی بار ہوا ہے جب ہمارے کسی طالب علم نے تمام مضامین میں ڈسٹنکشن حاصل کی ہے جبکہ اسکول میں اول مقام حاصل کرنے والے طلبا نے 84 فیصد نمبر حاصل کیے ہیں۔
اسکول میں اول مقام حاصل کرنے والے طالب علم محمد ثاقب نے ای ٹی وی بھارت کے نمائندے سے بات کرتے ہوئے بتایا کہ انہیں امید نہیں تھی کہ وہ اسکول میں ٹاپ کریں گے۔
انہوں نے اس کامیابی کو حاصل کرنے کے لیے بہت محنت کی ہے اب ثاقب چاہتے ہیں کہ وہ مستقبل میں ایک کاروباری کے طور پر اپنی شناخت بنائیں۔
