سی بی آئی کی جانب سے جمعہ کو جاری بیان میں کہا گیا کہ پورے ملک میں بچوں کے خلاف بڑھتے جنسی جرائم کو روکنے کے لیے ہیڈکوارٹر میں ایک آن لائن بچوں کے جنسی زیادتی اور استحصال سے روک تھام کے لیےسی بی آئی کی اسپیشل کرائم زون کے تحت تفتیش کار یونٹ کو تشکیل دی ہے۔
سی بی آئی کی یہ اسپیشل یونٹ نہ صرف ان افراد سے متعلق خفیہ معلومات اکٹھا کرے گی جو انٹرنیٹ پر ایسا ڈاٹا بنا رہے ہیں اور تشہیر کر رہے ہیں بلکہ ان افراد کی بھی معلومات یکجا کرے گی جو ایسے ڈاٹا کو انٹرنیٹ پر براؤز اور ڈاؤن لوڈ کررہے ہیں۔
ایجنسی نے انٹرنیٹ پر مسلسل بچوں سے متعلق قابل اعتراض ہیجانی ڈاٹا (پورنو گرافی) کے بڑھتے خطرے سے نمٹنے کے لیے اس یونٹ کو تشکیل دی ہے۔ اس کے تحت انٹرنیٹ پر بچوں کی جنسی زیادتی کے لیے تشہیر یا اس سے متعلق دیگر معلومات کو شیئر کرنے یا کسی کو بھیجنے والوں کے خلاف تعذیرات ہند، جنسی جرائم سے بچوں کی حفاظت (پاکسو) ایکٹ اور انفارمیشن ٹیکنالوجی ایکٹ کے تحت مجرموں کے خلاف معاملہ درج کیا جائے گا۔
