پولیس کا کہنا ہے کہ مارکیٹ میں پیسٹری کی اس دکان پر سماجی دوری کا پاس نہیں رکھا جارہا تھا، جس کی وجہ سے ان کے خلاف ایف آئی آر درج کی گئی ہے۔
پولیس کا کہنا ہے کہ تمام دکانداروں کو سماجی دوری بنانے کی ہدایت کی گئی ہے، جو بھی اس کی خلاف ورزی کرے گا اس کے خلاف سخت کارروائی کی جائے گی۔
اطلاع کے مطابق بنگالی مارکیٹ میں کورونا کے کچھ معاملات سامنے آئے ہیں، جس کے بعد اس پورے علاقے کو سیل کردیا گیا ہے، لیکن علاقے کو سیل کرنے سے پہلے بارہ کھمبا پولیس بدھ کے روز گشت کرتے ہوئے مارکیٹ پہنچی۔
جہاں پولیس نے دیکھا کہ پیسٹری کی دکان کے باہر بہت زیادہ لوگوں کا ہجوم ہے اور وہ لوگ سماجی دوری کی خلاف ورزی کر رہے ہیں۔
اس کے بعد اس بات کی اطلاع پولیس کے سینیئر عہدیداروں کو دی گئی اور ان کے خلاف ایف آئی آر درج کی گئی۔
واضح رہے کہ وہاں سے 30 ملازمین کو بھی ہٹا دیا گیا، حالانکہ یہ بات پولیس کو تفتیش کے دوران معلوم ہوئی کہ ان کے پاس 30 ملازمین بھی ہیں جو لاک ڈاؤن کے بعد سے یہاں مقیم ہیں، اور کام کررہے ہیں۔
خیال رہے کہ اس کے بعد ان میں سے 28 ملازمین کو شیلٹر ہوم بھیج دیا گیا ہے، جبکہ دو ملازمین کو کوارنٹین کردیا گیا ہے۔
