ریاست ہریانہ اور راجستھان کے علاقہ میوات میں پھیل رہی سماجی برائیوں کے خلاف میوات کے دانشور حضرات نے فیصلہ کیا ہے کی میوات کو ہر قسم کی برائیوں سے پاک کیا جائے، اس کے لئے انجمن اصلاح میوات کمیٹی تشکیل دی گئی۔
انجمن اصلاح میوات کے روح رواں مولانا ناصر حسین زکریا کی قیادت میں ایک میٹنگ ہوئی۔
مولانا ناصر حسین نے کہا کہ ''بہت ساری برائیاں علاقہ میوات میں ایسی ہیں جس سے پوری قوم عار محسوس کرتی ہے۔''
میوات کے مختلف خطوں میں نوجوان علماء کی ٹیمیں نوجوانوں کو بیدار کر رہی ہیں، ان کو موبائل کے غلط استعمال اور اس کے نقصانات سے آگاہ کیا جا رہا ہے ۔
مفتی تعریف سلیم ندوی نے کہا کہ ''سوشل میڈیا اور یوٹیوب پر پھیل رہی ہیں فحاشت کے خلاف جو مہم چلائی گئی ہے وہ بہت کارگر ثابت ہو گی اس کے اچھے نتائج مرتب ہونے شروع ہوگئے ہیں۔''
انجمن اصلاح میوات کی تشکیل کے بعد اپنی اپنی سطح پر دیگر علمائے کرام بھی برائیوں پر قدغن لگانے کی کوششوں میں جٹ گئے ہیں۔
