دارالحکومت دہلی میں آزاد مارکیٹ کے بیری والا باغ میں سی اے اے اور این آر سی کے خلاف خواتین کا احتجاج مسلسل جاری ہے۔
وہیں سابق آئی اے ایس آفیسر ہرش مندر نے اس تحریک میں ہزاروں خواتین سے خطاب کیا۔ انہوں نے یہ بھی کہا کہ ہماری قانونی ٹیم پوری طرح آپ کے ساتھ ہے۔
اس سلسلے میں ہرش مندر نے سی اے اے اور این آر سی کو ملک کو تقسیم کرنے کی پالیسی قرار دیا۔
انہوں نے کہا کہ حکومت ملک کو مذہب کے نام پر تقسیم کرنا چاہتی ہے۔
وہیں ہرش مندر نے پرامن احتجاج چلانے پر خواتین کو مبارکباد دیتے ہوئے کہا کہ ہمیں آئین کو بچانے کے لئے آگے آنا ہوگا۔
مزید پڑھیں:شرجیل امام کے ساتھ پولیس دہلی روانہ
انہوں نے مزید کہا کہ دہلی اور ملک کی خواتین اور لڑکیوں نے نیند اور دبی ہوئی آواز میں بولنے والوں کو ہمت دی ہے، جس کے لئے میں ان تمام خواتین کا شکریہ ادا کرتا ہوں۔
انہوں نے یہ بھی کہا کہ جن لوگوں کے آباؤ اجداد نے اس ملک کے لئے بے حساب قربانیاں دیں۔ آج ان کی نسلوں سے شہریت کے ثبوت طلب کیے جارہے ہیں۔ یہ افسوسناک ہے۔ حکومت کا یہ صلوک خطرناک ہے۔
