قومی دارالحکومت دہلی سے قریب غازی آباد میں آج فلم اداکار سلمان خان کا پتلا نذر آتش کیا گیا۔ بالی وڈ اداکار سلمان خان پر ٹی وی شو بگ باس کے ذریعہ فحاشی پھیلانے کا الزام لگایا گیا ہے۔
برہمن مہاسبھا نے اسی بات کو لیکر اداکار سلمان خان کا پتلا بھی جلایا اور ان کے خلاف جم کر ہنگامہ کیا۔
بگ باس کے خلاف احتجاجی مظاہرے, سلمان کا پتلا نظر آتش برہمن مہاسبھا کے اہلکاروں نے بینر اور پتلا لیکر سلمان خان کی مخالفت کی۔ برہمن مہاسبھا کے اہلکار آدتیہ نے ٹی وی شو بگ باس پر الزام عائد کی۔ انہوں نے کہا کہ ریلٹی شو بگ باس میں بہت فحاشی دکھائی جا رہی ہے۔ اس کی وجہ سے ہمارا سماج خراب ہو رہا ہے۔ مظاہرین سلمان خان کی مخالفت میں نعرےبازی کر رہے تھے۔ان لوگوں کا یہ بھی کہنا تھا کہ چھوٹے بچوں پر بھی اس شو کی وجہ سے برا اثر پڑ رہا ہے۔ برہمن مہاسبھا شو کو بند کروانے کے لیے ڈی ایم کو بھی میمورنڈم سونپیں گے۔
