دہلی کی سڑکوں سے ایک عجیب و غریب معاملہ سامنے آیا ہے۔ یہاں ایک نوجوان نے مفت میں بس کا سفر کرنے کے لیے تمام حدیں پار کر دیں۔ لڑکی بن کر نوجوان مفت بس سروس سے لطف اندوز ہونے نکلا۔ نوجوان نے لڑکی کی طرح سر کو کپڑے سے ڈھانپ لیا اور چہرے پر ماسک لگا کر بس میں بیٹھ گیا۔ اس کے باوجود وہ کنڈیکٹر کی نظروں سے نہ بچ سکا۔ لڑکی بننے والا نوجوان جیسے ہی بس میں سوار ہوا تو کنڈیکٹر کو اس کے رویے پر شبہ ہوا تو اس نے نوجوان سے ماسک اتارنے کو کہا۔ نوجوان نے جیسے ہی ماسک ہٹایا، اس کا پورا بھانڈا پھوٹ گیا۔Boy Becomes Girl For Free Bus Service in Delhi
اس پورے معاملے کا ایک ویڈیو بھی کنڈکٹر نے بنایا ہے، جو کافی وائرل ہو رہا ہے۔ ویڈیو میں دیکھا جاسکتا ہے کہ کس طرح کنڈکٹر اسے بار بار ماسک اتارنے کو کہہ رہا ہے لیکن نوجوان ماسک ہٹانے کے بجائے کنڈیکٹر سے معافی مانگ رہا ہے۔ تھوڑی دیر بعد کنڈکٹر کے غصے پر نوجوان خوفزدہ ہو کر ماسک اتار دیتا ہے۔ جس کے بعد اس کی مونچھیں داڑھی والا چہرہ صاف نظر آتا ہے۔ حیرت کی بات یہ ہے کہ پکڑے جانے کے بعد بھی نوجوان خاتون کی آواز میں بات کرتا رہتا ہے۔
غور طلب ہے کہ دہلی میں اروند کیجریوال کی حکومت خواتین کے لیے 2019 سے مفت بس سروس کی اسکیم چلا رہی ہے، جس کے لالچ میں اس نوجوان نے مفت میں بس کا سفر کے لیے لڑکی کا گیٹ اپ اختیار کیا اور چکما دینے کی کوشش کی، لیکن یہ کوشش ناکام ثابت ہوئی۔
