احتجاج کے دوران منوج تیواری زخمی

دہلی میں بی جے پی کے رکن پارلیمان منوج تیواری چھٹ پوجا پر پابندی لگائے جانے کے خلاف احتجاجی مظاہرہ کررہے تھے۔ اس دوران سینے پر تیز رفتار پانی کی پونچھار لگنے سے منوج تیواری بیریکیڈ سے نیچے گرگئے۔

دارالحکومت دہلی میں وزیراعلی اروند کیجریوال کے گھر کے باہر آج بی جے پی چھٹ پوجا پر پابندی لگائے جانے کے خلاف احتجاجی مظاہرہ کر رہی ہے۔ اس دوران دہلی پولیس کے ذریعہ بی جے پی کارکنان کو روکنے کے لیے واٹر کینن کا استعمال کیا گیا، جس میں بی جے پی کے رکن پارلیمان منوج تیواری زخمی ہوگئے۔

سینے پر تیز رفتار پانی کی پونچھار لگنے سے منوج تیواری بیریکیڈ سے نیچے گر گئے، جس کے بعد بی جے پی کے کارکنان منوج تیواری کو گاڑی میں سوار کر کے گھر لے گئے۔