نربھیا کیس: رات دو بجے مجرموں نے لڈو اور نوڈلس کھائے

جمعہ کو نربھیا کے چاروں مجرموں کو پھانسی دی گئی، پھانسی سے قبل مجرموں نے نوڈلس اور لڈو کی ڈیمانڈ کی، موت سے قبل مجرموں کی ڈیمانڈ پوری کی گئی۔

اطلاعات کے مطابق رات میں مجرموں نے ٹھیک سے کھانا نہیں کھایا تھا، اسی لیے انہوں نے دیر رات نوڈلس اور لڈو کی ڈیمانڈ کی۔

موت سے قبل ان کی آخری ڈیمانڈ پوری کی گئی، رات 2 بجے پون کو چھوڑ کر دیگر تینوں مجرموں مکیش، اکشے اور ونئے نے نوڈلس اور لڈو کھائے، جو ان کا آخری کھانا تھا۔

رات دو بجے تین مجرموں نے جیل انتظامیہ سے نوڈلس اور لڈو کی مانگ کی، جیل انتظامیہ کی جانب سے انہیں یہ مہیا کیا گیا۔

پھانسی سے بچنے کے لیے پون نے اپنا ہاتھ دانت سے کاٹ لیا تھا، اسے لگ رہا تھا کہ ایسا کرنے سے اس کی پھانسی ٹل سکتی ہے۔ لیکن اس کا پتہ چلتے ہی اس کی سکیورٹی مزید سخت کردی گئی۔ اس کے ساتھ لگاتار چار جیل کے سپاہی گھیرا بناکر موجود تھے۔

جمعہ کو صبح 5:30 بجے چاروں مجرموں کو تہاڑ جیل میں پھانسی دی گئی۔