جنیوا: اگلے سال ہونے والے ٹوکیو اولمپک کے لئے مرد اولمپک کوالیفائنگ باسکٹ بال ٹورنامنٹ 29 جون سے 4 جولائی تک کھیلے جائیں گے۔
بین الاقوامی باسکٹ بال فیڈریشن (فيبا) نے بین الاقوامی اولمپک کمیٹی (آئی او سی) کے ساتھ بات چیت کے بعد ان تاریخوں کا اعلان کیا ہے۔چار کوالیفائنگ ٹورنامنٹ کینیڈا، کروشیا، لتھوانیا اور سربیا میں کھیلے جائیں گے۔
24 مرد قومی ٹیمیں ان چار کوالیفائنگ ٹورنامنٹوں میں 6-6 ٹیموں کے طور پر حصہ لیں گی۔ سات ٹیمیں 2019 فيبا باسکٹ بال ورلڈ کپ میں اپنی کارکردگی کی بنیاد پر اولمپک کے لئے کوالیفائی کر چکی ہیں۔ جس میں میزبان جاپان بھی شامل ہے۔
چار ٹورنامنٹوں کے فاتح ٹوکیو اولمپک کے لئے کوالیفائی کریں گے جس کا انعقاد 23 جولائی سے آٹھ اگست 2021 تک ہو گا ۔
