میونسپل کمشنر ورشا جوشی نے اتوار کو بتایا کہ 'ہفتہ کی شام ایچ آر ایچ میں ملازم ایک نرس کورونا مثبت پائی گئی۔ نرس نے ہسپتال کمپلکس میں گزشتہ دو ہفتہ کے دوران کئی جگہوں پر کام کیا ہے اس لیے ہسپتال کو پوری طرح کورینٹائن کرنے اور نرس کے رابطہ میں آنے والوں کا پتہ لگانے کے لیے فی الحال بند کردیا گیا ہے۔
کمشنر نے کہاکہ 'ہسپتال میں زچہ وارڈ میں صرف کچھ مریض ہیں۔ ان کے لیے ہسپتال انتظامیہ بندوبست کررہا ہے۔ انہوں نے کہا کہ 'یہ یقینی طورپر لاپرواہی کا معاملہ ہے۔
یہ معاملہ کچھ گھنٹہ پہلے ہی نوٹس میں آیا ہے اس لیے کون ذمہ دار ہے، ابھی یہ کہنا ممکن نہیں ہے۔ اس کی پوری جانچ کی جائے گی اور جو بھی ذمہ دار ہوگا اسے بخشا نہیں جائے گا۔
