آسٹریليا نے 20 اوور میں دو وکٹ پر 233 رن کا بڑا اسکور بنانے کے بعد سری لنکا کو نو وکٹ پر 99 رن پر روک لیا۔
محض 56 گیندوں پر 10 چوکوں اور چار چھکوں کی مدد سے ناقابل شکست 100 رن بنانے والے وارنر کو پلیئر آف دی میچ کا ایوارڈ دیا گیا۔
آج 33 سال کے ہو ئے وارنر نے ٹی 20 میں اپنی پہلی سنچری بنا کر خود کو سالگرہ کا شاندار تحفہ دے دیا ہے۔
وارنر نے آسٹریلیا کی اننگز کی آخری گیند پر سنگل لے کر اپنی سنچری مکمل کی اور ہوا میں اچھلتے ہوئے اس کا جشن منایا۔
وارنر نے پہلے وکٹ کے لئے کپتان آرون فنچ کے ساتھ 10.5 اوور میں 122 رنز کی زبردست شراکت کی۔
فنچ نے 36 گیندوں پر 64 رن میں آٹھ چوکے اور تین چھکے لگائے۔وارنر نے آل راؤنڈر گلین میکسویل کے ساتھ دوسرے وکٹ کے لئے 107 رن جوڑے۔
سری لنکا کی ٹیم ہدف کے جواب میں کبھی بھی مقابلے میں کھڑی نہیں ہو پائی اور پورے 20 اوور میں 99 رن ہی بنا سکی۔سری لنکا کی جانب سے داسن شناكا نے سب سے زیادہ 17 اور کشل پریرا نے 16 رن بنائے۔
آسٹریلیا کی جانب سے ایڈم زمپا نے تین اور پیٹ کمنز اور مشیل اسٹارک نے دو دو وکٹ لئے۔
