اروند کیجریوال کا پرچہ نامزدگی

نئی دہلی اسمبلی نشست سے عام آدمی پارٹی کے امیدوار اروند کیجریوال اپنا پرچہ نامزدگی کے لئے جام نگر ہاؤس میں واقع اندراج کیندر پہنچے۔ ان کے ساتھ ان کے والدین اور حامی موجود رہے۔

نامزدگی مرکز کے باہر میڈیا سے گفتگو کرتے ہوئے دہلی کے وزیر اعلی اروند کیجریوال نے حزب اختلاف کی جماعتوں پر شدید حملہ کیا اور کہا کہ اپوزیشن جماعتوں کا دہلی کے عوام سے کوئی مطلب نہیں ہے۔اس لیے اتحاد کر کے ایک طرف جہاں راشٹریہ جنتا دل اور کانگریس انتخابات لڑ رہی ہے۔

تو وہیں جنتا دل یونائیٹڈ اور بی جے پی بھی اتحاد کے ذریعہ دہلی میں انتخابات لڑ رہی ہے، لیکن دہلی کے عوام سمجھدار ہیں اور ان پارٹیوں کے جھانسے میں نہیں آنے والی۔

وہیں نامزدگی مرکز سے میڈیا سے گفتگو کرتے ہوئے کیجریوال نے کہا کہ مجھے یقین ہے کہ دہلی کے عوام ہمیں بھاری اکثریت سے جیت کر دہلی اسمبلی پہنچائیں گے اور مجھے امید ہے کہ پچھلے انتخابات کے مقابلے میں ہمیں اس انتخاب میں زیادہ نشستیں ملیں گی۔