جموں و کشمیر سے متعلق حکومت کے فیصلے کی حمایت: کیجریوال

دہلی کے وزیر اعلی اروند کیجریوال نے مرکزی حکومت کی جانب سے آئین کے آرٹیکل 370 کو ختم کرنے کے فیصلے کی تعریف کرتے ہوئے کہا ہے کہ عام آدمی پارٹی جموں و کشمیر سے متعلق حکومت کے اقدام کی حمایت کرتی ہے۔

عاپ کے کنوینر کیجریوال نے پیر کو ٹوئیٹ پر کہا کہ، ’’ہم جموں و کشمیر سے متعلق حکومت کے اس فیصلے کی حمایت کرتے ہیں۔ ہمیں امید ہے کہ اس اقدام سے ریاست میں امن بحال ہوگا اور ترقی کی رفتار تیز ہوگی۔ ‘‘

جموں و کشمیر سے متعلق حکومت کے فیصلے کی حمایت: کیجریوال

دریں اثنا دہلی خواتین کمیشن کی صدر سواتی مالیوال نے جموں و کشمیر سے متعلق اس فیصلے پر وزیر اعظم نریندر مودی اور مرکزی وزیر داخلہ امت شاہ کو مبارکباد دی ہے۔

جموں و کشمیر سے متعلق حکومت کے فیصلے کی حمایت: کیجریوال

مالیوال نے ٹویٹ کیاکہ ’’آرٹیکل 370 کے خاتمے اور جموں و کشمیر کو مکمل طور پر ہندوستان میں شامل کرنے کے فیصلےکا دل سے خوش آمدید۔ بہتر سال کی غلطی کی اصلاح کرنے کے لیے وزیر اعظم نریندر مودی اور مرکزی وزیر داخلہ امت شاہ کو مبارکباد۔ ہندوستان کی یکجہتی اور سالمیت کا ہر قیمت پر تحفظ کیا جانا چاہئے۔اہم بات یہ ہے کہ پیر کے روز حزب اختلاف کی ہنگاموں کے درمیان امت شاہ نے راجیہ سبھا میں آرٹیکل 370 کو ختم کرنے کی تجویز پیش کی۔ اس کے ساتھ ہی، انہوں نے جموں و کشمیر کو یونین علاقہ کا درجہ دینے اور لداخ کو اس سے علیحدہ کرنے کے لیے ایک بل بھی پیش کیا تاکہ اس کو مرکزی خطہ بنایا جائے۔امت شاہ نے جموں و کشمیر تشکیل نو بل، 2019 پیش کیا اور کہا کہ لداخ کو مرکزی خطے کا درجہ دیا جائے گا اور وہاں کوئی قانون ساز اسمبلی نہیں ہوگی۔