نئی دہلی: دہلی پولیس نے انکاؤنٹر کے دوران جہانگیرپوری علاقے میں ہتھیار سپلائی کرنے کے الزام میں ایک شخص کو گرفتار کیا ہے۔ ملزم کی شناخت راجن عرف راہل (38) کے طور پر ہوئی ہے۔ وہ دہلی کے جہانگیر پوری کا رہنے والا ہے۔ اس سے قبل راہل کے خلاف 70 مقدمات درج ہیں۔ وہیں جہانگیرپوری میں فرقہ وارانہ تصادم Communal Clashes in Jahangirpuri کے دوران راہل نے فسادیوں کو ہتھیار فراہم کیے تھے یا نہیں، پولیس ابھی تک اس کی تحقیقات کر رہی ہے۔
وہیں اس معاملے پر ڈپٹی کمشنر آف پولیس ڈی سی پی برجیندر کمار یادو نے میڈیا کو بتایا کہ ہم فی الحال اس سے پوچھ گچھ کر رہے ہیں۔ ڈی سی پی نے کہا کہ ملزم کے بارے میں ایک اطلاع موصول ہوئی تھی کہ راہل اسلحے کی ایک کھیپ بیرونی شمالی اور ملحقہ اضلاع میں مجرمین کو فروخت کرنے کے لیے آئے گا۔ خفیہ اطلاع کی بنیاد پر سیکٹر 36 روہنی میں واقع شہباز ڈیری کے علاقے میں جال بچھا کر ملزم کو روک لیا گیا۔ دراصل راہل کو بوانا روڈ کی طرف سے اسکوٹی پر آتے ہوئے دیکھا گیا۔ Alleged Arms Supplier Arrested in Jahangirpuri
پولیس کا دعویٰ ہے کہ ملزم نے پولیس کو دیکھتے ہی اپنے دیسی پستول سے پولیس پر فائرنگ Firing On Police in Jahangirpuri کردی۔ جوابی کارروائی میں پولیس نے ملزم کو موقع سے فرار ہونے سے روکنے کے لیے 3 راؤنڈ فائرنگ کی۔ جس میں ایک گولی ملزم کی دائیں ٹانگ میں لگی۔ ڈی سی پی نے کہا کہ ملزم کے خلاف اسلحہ ایکٹ، چھیننے، چوری اور این ڈی پی ایس کے مقدمات پہلے سے ہی درج ہیں۔
یہ بھی پڑھیں: Jahangirpuri Violence: سپریم کورٹ کے احکامات کی خلاف ورزی کرتے ہوئے مسجد پر بلڈوزر چلایا گیا
ڈی سی پی کے مطابق یہ بھی پتہ چلا ہے کہ ملزم پولیس کے ساتھ مقابلوں کے دو سابقہ مقدمات، اسلحہ ایکٹ، چھیننے، چوری اور این ڈی پی ایس کے مقدمات Cases Of Arms Act, Snatching, Theft And NDPS میں بھی ملوث تھا۔
