چینی فوج کے ہندوستانی سرحد میں داخل ہونے پر راہل گاندھی کے ذریعہ مرکز کی مودی حکومت پر قومی سلامتی میں ناکامی کا الزام عائد کیا تھا،جس پر مشتعل پرگیہ سنگھ ٹھاکر نے راہل گاندھی کے خلاف ہتک آمیز بیان دیتے ہوئے کہاکہ ایک غیر ملکی کی کوکھ سے پیداہونے والا ملک کے تعلق سے وفاداری پائیہ دار نہیں ہوسکتی ہے۔
نسیم خان نے مزید کہاکہ گاندھی خاندان کی ملک کی سالمیت اور اتحاد کے لیے دی گئی قربانی ایک مثال ہے اور مالیگاوں میں ہونے والے بم دھماکہ جیسی دہشت گردانہ واردات میں ملزمہ پرگیہ ٹھاکر سے راہل کو کسی سرٹیفکٹ کی کوئی ضرورت نہیں ہے، راہل گاندھی کے خاندان کی خدمات اظہر من شمس ہے۔
