50ہزاراینٹی جن کٹس کے ساتھ دہلی حکومت نے کل سے ٹیسٹ کی شروعات کی ہے،جس کے بارے میں یہ دعویٰ کیا جا رہا ہے کہ اس سے وائرس کے انتشار پر قابو پانے میں سہولت ہوگی۔
دہلی میں کورونا کے معاملات میں بے تحاشا اضافہ کے دباؤ کے بعد دہلی حکومت نے وائرس پر قابو پانے کے لیے اینٹی جین ٹیسٹ کا بڑے پیمانے پرآغاز کیا ہے۔
اس ٹیسٹ کا براہ راست وائرس پرقابو پانے میں کیا کردار رہے گا، ابھی اس پرریسرچ جاری ہے،تاہم یہ وائرس کی تشخیص کا ایک دوسرا ٹیسٹ ہوتا ہے، جو کئی ممالک میں شروع کیا گیا ہے اورانڈین کاونسل فار میڈیکل ریسرچ کی سفارش پراس ٹیسٹ کو شروع کیا گیا ہے۔
دہلی حکومت نے اینٹی جین ٹیسٹ کِٹس سے ٹیسٹ کے لئے کئی مراکز بنائے ہیں۔ فی الحال دہلی حکومت کے پاس 50ہزارکٹس ہیں، اس کے استعمال کے لیے دہلی کے 11 اضلاع میں عملہ کی تربیت بھی ہوچکی ہے۔
اس ٹیسٹ کے لیے مختلف مقامات پرمراکز بنائے گئے ہیں۔ اعداد و شمارکے مطابق تقریباً169مراکزمیں ٹیسٹ کی شروعات ہوچکی ہے۔
یہ ٹیسٹنگ دہلی حکومت اورمرکزی وزارت صحت کے تعاون سے شروع کی گئی ہے۔ دہلی حکومت کو امید ہے کہ کورونا وائرس کی تشخیص کے لیے اینٹی جین ٹیسٹ کِٹس مدد سے وائرس کی تیزی سے تشخیص اور بعد ازاں علاج کیا جا سکے گا۔
اینٹی جین ٹیسٹ روایتی پی سی آر ٹیسٹ کی نسبت کم قابل اعتماد ہیں لیکن ان کے ذریعے تشخیص میں تقریباً 30 منٹ لگتے ہیں۔
