کورونا وائرس کے مثبت ہونے کی اطلاع ملتے ہی محلہ کلینک کو سیل کردیا گیا ہے، تاہم تمام علاقے کو سینیٹائز کرنا شروع کردیا گیا۔
وہیں دوسری جانب جو لوگ 12 سے 20 مارچ تک محلہ کلینک میں علاج کروانے کے لیے آئے ہیں، ان سے اپیل کی گئی ہے کہ وہ اپنے گھروں میں ہی کوارنٹائن میں رہیں۔
محلہ کلینک کے ڈاکٹر کو کورونا پازیٹیو پائے جانے کے بعد دہلی انتظامیہ کو محتاط کیا گیا ہے اور بتایا گیا ہے کہ شمال مشرقی دہلی کے بابر پور علاقے میں جنتا مزدور کالونی میں واقع محلہ کلینک کے ایک ڈاکٹر کو کورونا سے متاثر پایا گیا ہے۔
اس واقعے کے بعد حکام نے پورے علاقے کو سیل کردیا ہے، اس واقعے سے متعلق پورے علاقے میں نوٹس لگائے گئے ہیں۔
دہلی انتظامیہ نے لوگوں سے اپیل کی ہے کہ اگر کوئی بھی مریض یا لوگ جو اس محلہ کلینک میں 12 مارچ سے 20 مارچ کے درمیان علاج کروانے آئے ہیں تو وہ اگلے 15 دن تک اپنے گھر میں ہی خود کو کوارنٹائن کریں۔
واضح رہے کہ ایسا معاملہ اس سے پہلے بھی شمال مشرقی دہلی کے بابر پور علاقے میں ایک محلہ کلینک میں سامنے آیا تھا، جہاں ایک ڈاکٹر کورونا سے متاثر پایا گیا تھا، جس کے بعد بابرپور علاقے کے 800 کے قریب افراد کو ان کے گھروں میں کوارنٹائن کردیا گیا۔
