علی گڑھ مسلم یونیورسٹی کے وائس چانسلر پروفیسر طارق منصور کی صدارت میں 20 جنوری کو فیکلٹیوں کے ڈین، کالجوں اور پالی ٹیکنیک کے پرنسپل اور یونیورسٹی کے اعلی حکام کی ایک مشاورتی میٹنگ ہوئی جس میں مختلف فیکٹریوں کے باقی بچے ہوئے امتحانات کے نئے شیڈول کو حتمی شکل دی گئی۔
ایسوسی ایٹ ممبر انچارج ڈاکٹر راحت ابرار نے بتایا کنٹرولر امتحانات مجیب الزبیری کی جانب سے جاری اطلاع کے مطابق فیکلٹی آف یونانی میڈیسن اور ذاکر حسین کالج آف انجینئرنگ ٹیکنالوجی کے بقیہ امتحانات (بی ٹیک اور بی اے سال آخر کو چھوڑ کر) 27 جنوری 2020 سے شروع ہونگے۔
فیکلٹی آف لاء، کومرس، سائنس، لائف سائنسز، ایگریکلچر سائنسز اور منییجمنٹ اسٹڈیز کے بقیہ امتحانات 30 جنوری سے، فیکلٹی آف میڈیسن کے امتحانات یکم فروری سے،
فیکلٹی آف آرٹس، سوشل سائنسز، انٹرنیشنل اسٹڈیز، دینیات اور پالی ٹیکنک و کمیونٹی کالج کے بقیہ امتحانات 3 فروری سے اور بی ٹیک، بی ای سال آخر کے امتحانات 10 فروری سے شروع ہوں گے۔
