ملک بھر میں قائم آل انڈیا یونانی طبّی کانگریس All India Unani Tibbi Congress نے میڈیکل آفیسرز وِنگ کی تشکیل کا اعلان کیا ہے۔
میڈیا کو جانکاری دیتے ہوئے قومی صدر پروفیسر مشتاق احمد نے بتایا کہ ڈاکٹر شکیل احمد عمر دراز خان (عثمان آباد، مہاراشٹر) کو صدر اور ڈاکٹر حبیب اللہ (سی ایم او، تہاڑ جیل، حکومت دہلی) کو جنرل سکریٹری کے عہدہ پر مقرر کیا گیا۔
انہوں نے کہا کہ آل انڈیا یونانی طبّی کانگریس کی میڈیکل آفیسرز وِنگ کے قیام کی اہمیت کے پیش نظر مذکورہ دونوں کو ان کی کارکردگی کے پیش نظر ذمہ داری سونپی گئی ہے۔
یونانی طب مناسب نمائندگی سے محروم ہے: ایف ایس شیرانی
واضح ہو کہ آل انڈیا یونانی طبّی کانگریس کی شاخیں باضابطہ راجستھان، اترپردیش، مدھیہ پردیش، مہاراشٹر، دہلی، ہریانہ اور بہار وغیرہ صوبوں میں قائم ہیں اور وہاں صوبائی حکومتوں کی سطح پر مسائل کو براہ راست حل کرنے کی کوشش کرتی ہیں۔
