راگنی تیواری کے متنازع ویڈیو پر ایڈوکیٹ ایڈووکیٹ مسرور صدیقی نے کہا اگر ہم قانون کے دائرے میں رہ کر بھی اپنی آواز اٹھاتے ہیں تو ہمیں غداری کا تمغہ دے دیا جاتا لیکن راگنی تیواری جیسے لوگ کھلے طور پر عوام کے ساتھ ساتھ ریاست اور مرکز کی حکومتوں کو بھی دھمکی دے رہی ہیں تو کوئی کارروائی نہیں ہوتی۔
دارالحکومت دہلی کے شمال مشرقی خطہ میں گذشتہ دنوں ہوئے فرقہ وارانہ فسادات میں ہندو مذہب کی رہنما راگنی تیواری کا ویڈیو خوب وائرل ہوا تھا جس میں وہ مسلمانوں کو کاٹنے کی بات کرتے ہوئے پتھر مارتے ہوئے نظر آئی تھی۔
تاہم اب ایک اور ویڈیو وائرل ہو رہی ہے جس میں راگنی تیواری کسانوں کو دھمکی دے رہیں ہے کہ اگر 16 دسمبر2020 تک سرحدوں کو خالی نہیں کرایا گیا تو وہ 17 تاریخ کو جیسے جعفر آباد خالی کرایا تھا۔
ویسے ہی خالی کرائیں گی۔اسی بات پر اعتراض جتاتے ہوئے ایڈووکیٹ مسرور صدیقی نے دہلی پولیس اور دہلی اقلیتی کمیشن کو ایک درخواست دی ہے کہ راگنی تیواری کے نفرت انگیز بیانات کے خلاف کارروائی کرتے ہوئے ایف آئی آر درج کی جائے۔
مزید پڑھیں:نوئیڈا: زرعی قوانین کے خلاف کسانوں کا منفرد انداز میں احتجاج
انہوں نے مزید کہا کہ اگر ہم قانون کے دائرے میں رہ کر بھی اپنی آواز اٹھاتے ہیں تو ہمیں غداری کا تمغہ دے دیا جاتا لیکن راگنی تیواری جیسے لوگ کھلے طور پر عوام کے ساتھ ساتج ریاست اور مرکز کی حکومتوں کو بھی دھمکی دے دیں تو کوئی کارروائی نہیں ہوتی۔
قابل ذکر ہے کہ گذشتہ دنوں جعفر آباد علاقہ میں شہریت ترمیمی قانون کے خلاف احتجاج کے دوران راگنی تیواری کی نفرت انگیز بیانات خوب وائرل ہوئے تھے۔
خیال رہے کہ اس کے بعد دہلی فسادات میں بھی ان کے خلاف شکایت کی گئی تھی لیکن اس کے باوجود ابھی تک کوئی ایف آئی آر درج نہیں ہو پائی۔
