نئی دہلی : کانگریس سمیت اپوزیشن پارٹیوں کی طرف سے ہنڈن برگ کی رپورٹ کے بعد اڈانی کے معاملے میں بحث کے مطالبے پر ہنگامہ آرائی کے باعث لوک سبھا کی کارروائی آج 12 بجے تک ملتوی کر دی گئی۔ لوک سبھا اسپیکر اوم برلا نے جیسے ہی ایوان میں وقفہ سوالات شروع کرنے کا اعلان کیا تو کانگریس کے ادھیر رنجن چودھری اور تلگو دیشم پارٹی کے نما ناگیشور راؤ نے کھڑے ہوکر کہا کہ انہوں نے نوٹس دیا ہے، جس پر بحث ہونی چاہیے۔ اس پر اسپیکر نے کہا کہ وقفہ سوالات بہت اہم ہے اس لیے اسے چلنے دیا جائے۔
اسپیکر نے ارکان سے کہا کہ وقفہ سوالات کی کارروائی کرکے اچھی روایت قائم کرنے کی ضرورت ہے۔ انہوں نے کہا کہ ریاستوں کے پریزائیڈنگ افسروں کی میٹنگ میں اس بات پر بھی اتفاق کیا گیا ہے کہ وقفہ سوالات جاری رہنا چاہیے۔ اوم برلا کے کہنے پر بھی اراکین کھڑے رہے، پھر انہوں نے سخت لہجے میں کہا کہ آپ وقفہ سوالات نہیں چلانا چاہتے، اس لیے میں ایوان کی کارروائی ملتوی کرتا ہوں۔ جس کے بعد انہوں نے ایوان کی کارروائی 12 بجے تک ملتوی کر دی۔
یو این آئی
