دو روز قبل دہلی کے سوروپ نگر علاقے میں ایک 65 برس کے چرن سنگھ نامی بزرگ شخص کو لوہے کی راڈ سے پیٹ پیٹ کر قتل کردیا گیا تھا۔
دہلی پولیس نے اس معاملے میں بڑی کارروائی کرتے ہوئے ملزم سورج کو گرفتار کرلیا ہے ور آلۂ قتل بھی برآمد کرلیا گیا ہے۔
پولیس کا کہنا ہے' پوچھ گچھ کے دوران اس بات کا انکشاف ہوا ہے کہ قاتل و مقتول دونوں کے درمیان مزدوری کے پیسوں کو لے کر تنازعہ ہوگیا تھا اور اس تنازعے میں ملزم سورج نے چرن سنگھ کو لوہے کی راڈ سے پیٹ پیٹ کر ہلاک کردیا اور موقع واردات سے راہ فرار اختیار کی۔
پولیس نے مزید بتایا کہ' ملزم سورج گزشتہ چند مہینوں سے چرن سنگھ کے پاس یومیہ 250 روپئے پر مزدوری کیا کرتا تھا لیکن چرن سنگھ اسے کبھی بھی پوری مزدوری نہیں ادا کرتا تھا جس سے وہ سخت پریشان تھا۔
منگل کی شام کو گھر پر سورج نے نشے کی حالت میں چرن سنگھ سے اپنی پوری مزدوری مانگی تب اس وقت چرن سنگھ نے اسے نازیبا الفاظ کہے جس کے سبب سورج نے مشعل ہوکر گھر میں پڑی لوہے کی راڈ سے پیٹ پیٹ کر چرن سنگھ کو ہلاک کردیا اور وہاں سے فرار ہوگیا۔
مقامی پولیس کو رات 11 بجے اس بات کی اطلاع ملی تھی کہ علاقے میں ایک شخص کو بے رحمی سے قتل کردیا گیا ہے اس کے بعد پولیس فوری طور پر موقعے پر پہنچی اور وہاں یہ پایا گیا کہ گھر کے باقی کمروں کا تالا ٹوٹا ہوا ہے اور خون میں لت پت لاش ایک کنارے پڑی ہوئی ہے۔
اس معاملے میں پولیس نے بھی مستعدی دکھاتے ہوئے ملزم سورج کو اندرون 24 گھنٹہ گرفتار کرلیا۔
