دارالحکومت دہلی میں اسمبلی انتخابات کی معینہ مدت مکمل ہونے کے قریب ہے، وہیں عام آدمی پارٹی ہونے والے اسمبلی انتخابات کے لیے اپنی تیاریوں میں مصروف ہوگئی ہے۔
جہاں پارٹی میں ایک طرف تنظیمی تبدیلیاں کی جارہی ہیں تو وہیں دوسری طرف نئے نعرے 'دہلی میں تو کیجریوال' کے ساتھ اشتہارات دہلی کی شاہراؤں پر لگائے جا رہے ہیں، اس سے قبل عام آدمی پارٹی کا نعرہ تھا '5 سال کیجریوال'
وزیر اعلیٰ اروند کیجریوال نے علاقوں میں جا جا کر جائزہ لینا شروع کر دیا ہے، ساتھ ہی اپنی کابینہ کے سبھی وزراء کو تاکید کی کہ کوئی بھی چوک نہ ہونے پائے زمینی سطح پر وزراء محنت کریں۔
پارٹی کی سبھی سینیئر رہنما عوام کے درمیان نظر آنے لگے ہیں۔
پارٹی اس بار پھر سے کیجریوال کے چہرے پر الیکشن لڑنا چاہتی ہے، کیونکہ حالیہ ہوئے لوک سبھا کے انتخابات میں پارٹی کا نعرہ تھا مکمل ریاست جسے عوام نے قبول نہیں کیا، اس لیے اب نعرہ دیا گیا ہے'دہلی میں تو کیجریوال'
عام آدمی کا مقصد ہے کہ جو نتائج 2015 کے انتخابات میں آئے تھے اس کو دہرایا جائے، لیکن تجربہ کاروں کا ماننا ہے کہ جس طرح سے بی جے پی کی مقبولیت میں اضافہ ہو رہا اس کے پیش نظر عام آدمی پارٹی کے لیے اپنے مقصد میں کامیاب ہونا مشکل نظر آتا ہے۔
