تھانہ منڈاولی نے مقدمہ درج کرکے ایک شخص کوگرفتار کرلیا ہے۔ مقامی لوگوں کے مطابق منگل کی صبح ایک نوجوان پانڈو نگر سی بلاک کے مکان میں چوری کرنے کی کوشش کر رہا تھا۔ اسی درمیان لوگوں کی نظر چوری کر رہے نوجوان پر پڑی، مقامی لوگوں نے ایک نوجوان کو پکڑ لیا اور اس کی جم کر پٹائی کر دی۔ جبکہ دوسرا فرار ہونے میں کامیاب ہوگیا۔
مشرقی دہلی: چوری کے شبہ میں ایک نوجوان کو پیٹ پیٹ کر ہلاک کردیا
اطلاع کے بعد موقع پر پہنچی پولیس نے زخمی نوجوان کو ایل بی ایس اسپتال میں داخل کرایا، جہاں علاج کے دوران اس کی موت ہوگئی۔
اس سلسلے میں ڈی سی پی جسمیت سنگھ نے بتایا کہ نوجوان کی شناخت سلمان کے نام سے ہوئی ہے۔ اس معاملے میں مقدمہ درج کرکے سی سی ٹی وی کی بنیاد پر راجیش نامی شخص کو گرفتار کیا گیا ہے۔
