دارالحکومت دہلی کی سڑکوں پر ایمرجنسی طور پر ایمبولینس اور فائر بریگیڈ کی گاڑیوں کو راستہ نہیں دینے پر 10 ہزار روپے کا جرمانہ ادا کرنا پڑے گا۔اس سلسلے میں اسپیشل کمشنر قانونی امور اور لائسنسنگ سنجے سنگھ نے ٹویٹ کر کے لوگوں سے اپیل کی ہے کہ وہ ایمبولینس اور فائربریگیڈ کی گاڑیوں کو ہنگامی حالات میں راستہ دیں۔ Fine for not Giving Way to Ambulance in Delhi
اس کے ساتھ ایسا نہ کرنے والوں کے خلاف دس ہزار روپے کا چالان کاٹنے کی وارننگ بھی دی گئی ہے۔نئے موٹر وہیکل ایکٹ میں دس ہزار روپے جرمانے کی گنجائش ہے۔ جرمانے کی رقم میں پہلے کی نسبت اضافہ کیا گیا ہے۔ نئے موٹر وہیکل ایکٹ کے مطابق اگر آپ گاڑی چلاتے ہوئے ایمبولینس کی آواز نہیں سنتے ہیں اور اس کا راستہ روکنے یا اسے اوور ٹیک کرنے کی کوشش کرتے ہیں تو قاعدے کے مطابق اب آپ پر 10 ہزار روپے جرمانہ مقرر کیا گیا ہے۔ ایسی صورت حال میں یہ ضروری ہے کہ جیسے ہی آپ سڑک پر چلتے ہوئے ایمبولینس یا ایمرجنسی گاڑی کی آواز سنیں، آپ فوراً اس کو راستہ دینے کے لیے وہاں سے ہٹ جائیں۔اگر کوئی ایمرجنسی گاڑی کو راستہ نہیں دیتا ہے تو دہلی پولیس کے ایمرجنسی رسپانس نمبر اور ٹریفک پولیس ہیلپ لائن پر شکایت کی جا سکتی ہے۔
