قومی دارالحکومت دہلی میں مشرقی دہلی کے غازی پور چیک پوسٹ پر جنوبی ایم سی ڈی کا ایک فرضی صفائی ملازم پکڑا گیا، جو دوسرے ملازم کے پاس پر بائیک سے جا رہا تھا۔
شروع میں اکڑنے والا نقلی صفائی ملازم پول کھلنے کے بعد پولیس کے سامنے ہاتھ جوڑ کر غلطی تسلیم کر کے گڑگڑانے لگا، لیکن دہلی پولیس یہاں 'دل کی پولیس' ثابت نہیں ہوئی، اور تھانہ غازی پور لے کر گئی، جہاں دفعہ 188 کے تحت مقدمہ درج کیا۔
واضح رہے کہ مشرقی دہلی کے غازی پور مرغا منڈی چیک پوسٹ پر آج حیران کن صورتحال دیکھنے کو ملی، جہاں جنوبی میونسپل کارپوریشن کا نقلی ملازم سنجیو چکنگ دوران پکڑا گیا۔
جب پولیس نے چیکنگ کے دوران اس فرضی صفائی ملازم کو پکڑا تو پہلے یہ صاحب بڑے رعب سے پولیس اہلکاروں سے بات کرتے نظر آئے، جب پولیس نے اپنا اصلی روپ دکھایا تو یہ سمجھ گئے کہ یہاں دال نہیں گلنے والی ہے اور وہ اپنی حقیقت پر آگئے اور معافی تلافی اور منتیں کرنے لگے کہ آئندہ ایسی غلطی دوبارہ نہیں ہوگی۔
دہلی پولیس نے نہیں بخشا اور تھانہ لے جاکر اپنی ذمہ داری پوری کی۔
