دہلی: چاقو سے گود کر نوجوان کا قتل

دہلی کے نرائنا علاقہ میں ایک نوجوان کو سر عام چاقو گود کر قتل کردیا گیا۔ پولیس کا دعویٰ ہے کہ ملزم کو گرفتار کرلیا گیا ہے اور معاملے کی تفتیش کی جا رہی ہے۔

دارالحکومت دہلی کے نرائنا علاقہ میں ایک نوجوان کو سر عام چاقو گود کر قتل کردیا گیا اورلوگ تماش بین بنے رہے۔ جس جگہ قتل ہوا وہاں کافی نقل و حرکت تھی، لیکن کسی نے مداخلت کرنے کی زحمت نہیں کی۔

مغربی ضلع کے ایڈیشنل ڈی سی پی پرشانت گوتم کے ہمراہ پولیس ٹیم کے کافی دیر بعد جائے وقوع پر پہنچی۔

پولیس کے مطابق 32 سالہ مقتول کا نام ٹنکو ہے اور وہ رنجیت نگر علاقہ کا رہائشی تھا۔

بتایا جا رہا ہے کہ دو نوجوانوں نے ان پر چاقوؤں سے حملہ کردیا۔ جس کے بعد حملہ آور موقع سے فرار ہو گیا، جس کے بعد ٹنکو جو کافی زخمی ہوگیا تھا انہیں اسپتال لے جایا گیا، جہاں ڈاکٹر نے اسے مردہ قرار دے دیا۔

وہیں پولیس کا دعویٰ ہے کہ ملزم کو فی الحال گرفتار کرلیاگیا ہے۔

پولیس کا کہنا ہے کہ اس قتل پیچھے کیا وجہ اس بات کا فی الحال پتہ نہیں چل سکا ہے۔

وہیں اس واقعے کے بعد دہلی کے لوگوں میں خوف و ہراس ہے۔