نوئیڈا کی کوتوالی فیز 3 پولیس نے سیکٹر 64 میں سہارا کٹ سے کار کا شیشہ توڑنے والے غلیل گینگ کے دو ملزمین کو گرفتار کیا ہے۔ دونوں ملزمین پر اب تک 24 سے زیادہ وارداتوں میں ملوث ہونے کا الزام ہے۔
پولیس نے ان کے پاس سے ایک موٹرسائیکل، 6 چوری شدہ فون، 1 لیپ ٹاپ، 3400 نقد روپے، غلیل اور چھرے سمیت دیگر سامان برآمد کرنے کا دعوی کیا ہے۔
ملزمان کی شناخت گوکل پوری دہلی کے رہنے والے سمت اور گورو کے نام سے ہوئی ہے۔ سمت کے خلاف دہلی این سی آر کے مختلف تھانوں میں 10 سے مقدمات درج ہیں۔ جب کہ نصف درجن مقدمات گوروکے خلاف درج ہیں۔
پولیس گینگ کے دیگر ارکان کے بارے میں معلومات حاصل کر رہی ہے۔ کوتوالی فیز 3 کی پولیس کے مطابق دوران تفتیش ملزمین نے بتایا کہ وہ موٹر سائیکل پر سوار ہو کر متاثرہ افراد کا تعاقب کرتے تھے۔ تب وہ غلیل میں چھرے ڈال کر کار کا شیشہ توڑ دیتے تھے اور لیپ ٹاپ اور دیگر سامان لے کر فرار ہو جاتے تھے۔
مزید پڑھیں:
کمرشل گاڑیاں چرا کر فروخت کرنے والے گینگ کا خلاصہ
ملزمین دہلی کی مارکیٹ میں چوری شدہ سامان سستے داموں فروخت کرتے تھے۔ اس گینگ میں اور بھی کئی سے لوگ شامل ہیں۔ تفتیش کے دوران یہ بھی پتہ چلا ہے کہ غلیل سے شیشے توڑنے کے لیے ملزمین تربیت لیتے ہیں اور بہت ہی کم وقت میں واردات کو انجام دے کر فرار ہو جاتے۔
