سینٹ اسٹیفنس کالج کے 13 طلبا کورونا سے متاثر

دہلی یونیورسٹی سے ملحقہ سینٹ اسٹیفنس کالج کے ہاسٹل میں مقیم 13 طلبا اور دو افسران کورونا سے متاثر پائے گئے ہیں۔ حال ہی میں 40 طلبا ایک ٹرپ پر گئے ہوئے تھے۔

سینٹ اسٹیفنس کالج کے پرنسپل جان ورگس نے بتایا کہ 13 طلبا کے کورونا سے متاثر ہونے کی اطلاع ملی ہے۔ انہوں نے کہا کہ حکومت کے جاری کردہ تمام قواعد کا اس دوران عمل کیا جارہا ہے تاکہ دوسروں کو بھی انفیکشن ہونے سے بچایا جاسکے۔

اس دوران پرنسپل ورگس نے بتایا کہ ڈین آفس کی جانب سے ضروری احتیاطی تدابیر اختیار کرنے کے لئے ہدایات جاری کی گئی ہیں۔ نیز یہ بھی کہا کہ ہاسٹل میں مقیم دیگر تمام طلبا کو بھی ہدایت دی گئی ہے کہ وہ سماجی دوری کا سختی سے عمل کریں۔

موصولہ اطلاع کے مطابق 40 طلبا کی ایک ٹیم ٹرپ پر گئی تھی، ان میں سے 25 طلبا ہاسٹل میں رہنے والے تھے۔