پولیس کے مطابق مشتبہ حالات میں سیکوریٹی فورسز نے فائرنگ کردی جبکہ مقامی لوگوں نے ماؤنوازوں کی موجودگی کی تردید کی ہے۔
یہ واقعہ علی الصبح مودکپل پولیس اسٹیشن کے پسگڈی گاوں میں پیش آیا جبکہ سی آر پی ایف 229 بٹالین کی ایک ٹیم علاقے میں گشت کے لیے جارہی تھی۔
سپرنٹنڈنٹ آف پولیس کملوچن کشیپ نے بتایا کہ گشت کررہی ٹیم نے مشکوک حرکت کے بعد آگاہ کیا لیکن ایک فرد وہاں سے بھاگنے کی کوشش کر رہا تھا جس کے بعد سیکوریٹی فورسز نے فائرنگ کردی۔
بعدازاں سی آر پی ایف کی ٹیم نے دو افراد کو زخمی پایا جس کے بعد انہیں ہسپتال منتقل کیا گیا جہاں ایک نے دم توڑ دیا اور دوسرے شخص کا علاج کیا جارہا ہے۔
پولیس نے مرنے والی کی شناخت پسگڈی گاؤں کے رہنے والے ڈبا کنہیا کی حیثیت سے کی ہے۔
ایک دیہاتی نے دعویٰ کیا ہے کہ سیکوریٹی فورسز نے یکطرفہ فائرنگ کی جبکہ وہاں کوئی ماؤنواز موجود نہیں تھا۔
