سکما میں دو انعام یافتہ نکسلیوں کو گرفتار کر کے جیل بھیج دیا گیا

چھتیس گڑھ کے ضلع سکما میں پولیس نے انعامی نکسلیوں کو گرفتار کیا ہے۔ دونوں نکسلیوں کو مقامی عدالت میں پیش کیا گیا، جہاں سے انہیں جیل بھیج دیا گیا

پولیس ذرائع کے مطابق، جگرگنڈہ تھانہ علاقہ کے کمارگوڈا کیمپ سے سی آر پی ایف اور ڈی آر جی کے جوانوں کے مشترکہ دستہ نے اتوار کے روز جگرگنڈہ تھانہ علاقہ کے بنپلی نارا کے قریب ایک لاکھ انعام کے نکسلی کمانڈر موچاکی موٹو، اور ڈی ایم کے ایم ایس ممبر موچاکی پانڈو کو گرفتار کیا۔

پولیس نے بتایا کہ ان نکسلیوں سے بڑی تعداد میں بندوقیں اور دھماکہ خیز مواد بھی برآمد ہوا ہے۔ پیر کو دونوں نکسلیوں کو مقامی عدالت میں پیش کیا گیا ، جہاں سے انہیں جیل بھیج دیا گیا۔

یو این آئی۔