جگدل پور: چھتیس گڑھ کے ضلع بستر کے کوڈینار تھانہ علاقے کے مانڈوا میں آج صبح ایک عاشق جوڑے کی لاشیں برآمد ہوئی ہیں۔
پولیس ذرائع کے مطابق مانڈوا کے رہنے والے دیا رام کا مبینہ معاشقہ پدری گاؤں کی رہنے والی منگل دائی کے ساتھ چل رہا تھا۔
منگل کے روز پہلے سے شادی شدہ دیا رام اپنی معشوقہ کو لے اپنے گھر پہنچا ، جس کے بعد دیارام کا اپنے بیوی کے ساتھ جھگڑا ہو گیا ۔
جھگڑے کے بعددیارام اپنی معشوقہ منگل دائی کو ساتھ لے چلا گیا اور آج صبح دونوں کی لاشیں ایک درخت پر پھانسی کے پھاندے پرلٹکی ہوئی برآمد ہوئی ۔ پولیس معاملے کی جانچ کر رہی ہے۔
