ضلع دھمتری کے اس شخص ہردیو سنہا نے مبینہ طور پر بے روزگار ہونے اور نوکری کے مطالبے میں خود کو آگ لگا کر خود کشی کرنے کی کوشش کی جس کے نتیجےمیں وہ جھلس گیا۔
سی ایم ہاؤس کے سکیورٹی اہلکاروں نے آگ بجھائی اور علاج کے لیے اسے فوراً اسپتال پہنچایا۔ ڈاکٹر اس کا علاج کر رہے ہیں۔
وزیر اعلیٰ بھوپیش بگھیل نے اس واقعہ کے بعد جاری بیان میں کہا کہ کسی کو بھی مایوس ہو کر اس طرح کا اقدام نہیں کرنا چاہیے۔ انہوں نے کہا کہ حکومت نے کورونا بحران کے اس دور میں بھی پورے ریاست میں روزگار دینے کا انتظام کیا ہے۔ انہوں نے زخمی کے جلد صحتیاب ہونے کی دعا کی ہے۔
