چھتیس گڑھ کے دارالحکومت رائے پور کے نزدیک مندر ہسود میں ہفتے کی صبح بس اور ٹرک کی ٹکر میں بس میں سوار کم از کم سات مزدوروں کی موت ہوگئی اور کئی دیگر زخمی ہوگئے۔
پولیس ذرائع کے مطابق اوڈیشہ سے 70 مزدور روزگار کے لئے بس سے گجرات کے سورت جارہے تھے۔ صبح قریب 03.30 بجے قومی شاہراہ پر مندر ہسود میں چھیری کھیڑی کے نزدیک دوسری سمت سے آرہے تیز رفتار ٹرک سے بس کی ٹکر ہوگئی۔ ٹکر اتنی شدید تھی کہ سات مزدوروں کی موقع پر ہی موت ہوگئی۔
حادثے میں کئی مزدور زخمی ہوئے ہیں۔ موقع پر پہنچی پولیس نے سبھی زخمیوں کو میڈیکل کالج اسپتال رائے پور میں داخل کرایا۔
یہ بھی پڑھیے
بھارت میں ایک دن میں کورونا کے قریب ایک لاکھ نئے کیسز
حادثے کے بعد ٹرک ڈرائیور موقع سے فرار ہوگیا۔ پولیس اس کی تلاش کررہی ہے ۔
پولیس نے معاملہ درج کرلیا ہے اور ضروری تحقیقات کی جارہی ہیں۔
