پولیس کے ڈائریکٹر جنرل ڈی ایم اوستی نے آج یہاں بتایا کہ ضلع بستر کے بودھ گھاٹ علاقے میں 22 اکتوبر 2020 کو تین سالہ بچی کے ساتھ جنیسی زیادتی کا واقعہ سامنے آیاتھا، جس میں پولیس نے فوری طور پر کارروائی کرتے ہوئے ملزم کو گرفتار کرلیا تھا۔
پولیس نے سات دن میں جانچ مکمل کرکے چارج شیٹ بھی عدالت میں داخل کردی ہے۔
انہوں نے بتایا کہ عصمت دری کے معاملے میں بستر ڈویژن میں سات دن کے اندر چالان پیش کرنے کا یہ پہلا واقعہ ہے۔
اوستھی نے اس معاملے میں فوری طور پر کارروائی کرنے کے لئے بستر سپرنٹنڈنٹ پولیس اور سٹی سپرنٹنڈنٹ پولیس کے کام کی بھی تعریف کی ہے۔
مزید پڑھیں:'فرانس کے خلاف احتجاج قانونی حدود میں رہ کر کریں'
ساتھ ہی اس معاملے میں اہم تعاون پیش کرنے کے لئے تھانہ انچارج بودھ گھاٹ اور سب انسپکٹر کو ایک ایک ہزار روپے کے نقدی انعام سے نوازا گیا ہے۔
