ای ٹی وی بھارت کی ٹیم ضروری اشیاء کی قیمتوں میں اضافے کو لے کر ریاست چھتیس گڑھ کے دارالحکومت رائے پور کی مرکزی منڈیوں میں پہنچی اور تیل کی قیمتوں کا پتہ لگایا۔ وہیں انہوں نے دکاندار، صارف، چیمبر آف کامرس کے ذمہ داران سمیت ریاستی وزیر خوراک امرتجیت بھگت سے بات کی۔
ای ٹی وی بھارت کی تحقیقات میں پتہ چلا کہ برانڈیڈ کمپنی کا سویا بین تیل جو لاک ڈاؤن سے پہلے فروخت کیا جارہا تھا وہ 80 سے 85 روپے فی لیٹر فروخت ہورہا تھا۔ اب وہی تیل لاک ڈاؤن کے دوران 110 سے 120 روپے فی لیٹر مارکیٹ میں فروخت ہورہا ہے۔ جو تیل کا ٹن 1450 روپے فی ٹن تھا اب یہ 1490 روپے سے 1500 روپے تک میں فروخت ہورہا ہے
تاجروں کا یہ بھی کہنا ہے کہ 'انہیں زیادہ قیمتوں میں اشیاء مل رہی ہیں۔ وہیں برانڈیڈ کمپنیوں کا تیل مناسب مقدار میں فراہم نہیں کیا جارہا ہے۔ صرف یہی نہیں لاک ڈاؤن کی وجہ سے ریستوراں، ہوٹلوں کو بند کردیا گیا ہے اور یہاں تک کہ شادیاں بھی نہیں ہو رہی ہیں۔ جس کی وجہ سے تیل کی کھپت میں کمی واقع ہوئی ہے۔
چیمبر آف کامرس کے عہدیداروں نے اسے معمول میں اضافہ سمجھا ہے۔ ان کا کہنا ہے کہ 'ٹرانسپورٹیشن میں آرہی پریشانی کی وجہ سے قیمتوں میں ضرور اضافہ ہوا ہے'۔
لاک ڈاؤن کی وجہ سے بڑھتی ہوئی قیمتوں کے پیش نظر وزیر خوراک امرجیت بھگت نے عہدیداروں کے ساتھ اجلاس میں، کالا بازاری اور جمع خوروں کے خلاف سخت کارروائی کی ہدایت کی ہے۔ اس کے علاوہ انہوں نے دکانداروں کو بھی ہدایت کی ہے کہ وہ دکان کے باہر والے بورڈ پر کھانے پینے کی اشیا کی قیمت لکھ دیں۔
