چھتیس گڑھ کے ضلع كوردھا کے ترےگاؤں تھانہ علاقہ کے گاؤں گھوماچھاپر کے جنگلوں میں آج پولیس نے گشت کے دوران نکسلیوں کی طرف سے تین مختلف مقامات پرزمین کے اند ر چھپا کر رکھے کثیر مقدار میں دھماکہ خیز مواد اور دیگر اشیاءبھی برآمد کی۔
پولیس سپرنٹنڈنٹ ڈاکٹر لال امید سنگھ نے بتایا کہ گزشتہ روز اطلاع موصول ہو ئی تھی کہ علاقے میں نكسلی تنظیموں کی طرف سے پولیس پارٹی کو نقصان پہنچانے کے لئے گھوماچھاپر کے جنگلوں میں دھماکہ خیز مواد زیر زمین گڈھے میں رکھا ہے۔
اطلاع کے بعد پولیس نے تلاش کی تو جنگل میں گڈھے سے پلاسٹک کارٹن میں نکسلی لیٹریچر، ڈیٹونیٹر پانچ عدد، ٹاپ ٹايگر بم دو، کارٹن، بنڈل تار پانچ عدد، رنگین پرنٹر ایک، کیبل تار کے علاوہ دیگر اشیا بھی برآمد کی ۔پولیس نے دھماکہ خیز مواد ایکٹ کے تحت معاملہ درج کر جانچ شروع کر دی ہے۔
