پولیس نے بھیڑ کے ساتھ مل کر چور کی پٹائی کی

ریاست چھتیس گڑھ کے ضلع کانکیر کے بھانوپرتاپ پور کے بوگر گاؤں میں پولیس نے چور کو بھیڑ سے بچانے کے بجائے بری طرح زود و کوب کیا۔

اس واقعے کو ایک ویڈیو سامنے آیا ہے جس میں گاؤں کے مقامی لوگ چور کی پٹائی کررہے ہیں۔

اطلاعات کے مطابق سنجے پوار نامی شخص گاؤں کے ایک گھر میں چوری کررہا تھا ۔ چور نے الماری توڑی جس کی آواز گھر کے افراد نے سن لی اور چور کو مقامی لوگوں نے پکڑ لیا۔چور کو پکڑنے کے بعد اس کے ہاتھ باندھ کر پٹائی کرنا شروع کردیا۔گاؤں والوں نے پولیس کو اطلاع دی۔ لیکن موقع پر پہنچے پولیس افسروں نے اسے پولیس اسٹیشن لے جانے کے بجائے بھیڑ کے ساتھ شامل ہوکر اس کی پٹائی کرنے لگے۔چور کی پٹائی کرنے کے بعد اسے اسٹیشن لے گئے جہاں اس کے خلاف چوری کی کوشش کرنے کا مقدمہ درج کیا گیا ہے۔