میڈیکل کالج میں آکسیجن سلنڈر پھٹنے سے مریض کی موت

راج نندن گاؤں کے میڈیکل کالج سے ایک انتہائی دردناک خبر آئی ہے ، آکسیجن سلنڈر کے پھٹنے سے ایک مریض کی موت ہوگئی۔

ریاست چھتیس گڑھ کے ضلع راجنندگاؤں میڈیکل کالج ہسپتال میں گذشتہ رات آکسیجن سلنڈر پھٹنے سے مریض کی موت ہونے سے ہسپتال میں افرا تفری کا ماحول پیدا ہوگیا۔

آکسیجن سلنڈر بدلنے کے دوران آئی سی یو کے وارڈ بوائے سے سلنڈر پھٹ گیا۔

سلنڈر پھٹنے کی وجہ سے زیادہ مقدار میں آکسیجن مریض کے جسم میں داخل ہوگیا، جس کی وجہ سے اس کی موت ہوگئی۔

ہلاک ہونے والے مریض موہن سنگھ کا تعلق ضلع بالود کے کلئی گاؤں سے تھا۔ اس کی عمر 65 برس تھی۔

وہ پیٹ کی بیماری کے علاج کے لئے میڈیکل کالج ہسپتال آیا تھا۔ تکلیف زیادہ ہونے کی وجہ سے اسے آکسیجن لگایا گیا تھا۔

پولیس نے معاملہ کو درج کر کارروائی شروع کر دی ہے۔

تاہم میڈیکل کالج اینڈ ہسپتال کے انچارج سپرنٹنڈنٹ اجے کوسا کی جانب سے اس کی ترتید کی گئی ہے کہ ہسپتال کی لاپروائی سے مریض کی موت ہوئی ہے۔

وہیں مریض کے اہل خانہ ہسپتال انتظامیہ پر لاپرواہی کا الزام لگا رہے ہیں، تاہم اب اصل حقائق کا پتہ پوسٹ مارٹم کے بعد ہی پتہ چل سکے گا۔