چیف سکریٹری آر پی منڈل نے اگلے ایک مہینے میں ممکنہ مریضوں کے ملنے کے پیش نظر ریاستی حکومت کی تیاریوں کےلئے ہوئی جائزہ میٹنگ کے بعد صحافیوں کے سوالوں کے جواب میں کہا کہ ریاست میں پہلے ایک ہزار ٹیسٹ ہر روز ہوتے تھے جبکہ اب 14 ہزار ٹیسٹ ہر روز ہورہے ہیں۔ اس سے زیادہ مثبت کیسز مل رہےہیں۔
انہوں نے کہا کہ زیادہ ٹیسٹ سے متاثر کی نشاندہی جلد ہورہی ہے جس سے انفیکشن کے پھیلاؤ کو کنٹرول کرنے میں آنے والے دنوں میں مدد ملے گی۔
انہوں نے ریاست میں زیادہ اموات ہونے کے بارے میں پوچھے جانے پر کہا کہ ایسا نہیں ہے۔ قومی اوسط کے پاس ہی ہم ہیں۔ حالات کنٹرول میں ہیں۔
انہوں نے بتایا کہ جس حساب سے مثبت مریض مل رہے ہیں، اس کے پس منظر میں اگلے 15 دن اور پھر ایک ماہ میں کتنے بیڈ،آکسیجن اور ان کے رکنے کے کیا بندوبست ہونے چاہئے اس کے بارے میں حکمت عملی طے کی جارہی ہے۔ جس سے کوئی مسئلہ پیدا نہ ہو۔
دارالحکومت رائے پور میں مثبت مریضوں کی ہر روز ایک ہزار کے آس پاس ملنے اور زیادہ اموات کی وجہ سے مکمل لاک ڈاؤن نافذ کرنے میں پوچھے جانے پر انہوں نے کہا کہ فی الحال اس بارے میں ابھی کوئی منصوبہ نہیں ہے۔
