دنتے واڑہ: چھتیس گڑھ کے ضلع دنتے واڑہ کے مستلنار علاقے میں پولیس اور ماؤنوازوں کے درمیان تصادم میں ایک ماؤنواز ہلاک ہوگیا۔
پولیس ذرائع کے مطابق اندراوتی ندی کے کنارے بسے مستلنار علاقے میں کل ماؤنوازوں اور پولیس جوانوں کا آمنا سامنا ہوگیا۔ اس دوران ہوئے تصادم میں رامسون پیرما نام کا ماؤنواز ڈھیر ہوگیا۔
اطلاعات کے مطابق تقریباً نصف گھنٹے تک چلنے والی اس مڈبھیڑ کے بعد ماؤنواز بھاگ نکلے پولیس نے جائے وقوع سے ایک بندوق، ایک دیسی کٹّا، دو کارتوس، دو کلو وزنی آئی ای ڈی بم اور دیگر سامان ضبط کیا ہے۔
