انکم ٹیکس ٹیم نے جمعرات سے ریاست میں برسرِ اقتدار کانگریس کے رہنما اور رائے پور کے میئر اعجاز ڈھبر ، سابق چیف سکریٹری اور ریرا کے چیرمین ووئک ڈانڈ اینڈ انڈسٹری شعبہ کے منتظم آئی اے ایس افسر انل ٹوٹیجا، محکمہ آبکاری کے اسپیشل افسر ارون ترپاٹھی کے ٹھکانوں پر کارروائی شروع کی تھی، اور گزشتہ اس کا دائرہ بڑھاتے ہوئے وزیر اعلی کی ڈپٹی سکریٹری سومیا چورسیا اور ان کے اسپیشل افسر ارون مركام کے گھر پر چھاپے مارنے کی کارروائی شروع کی ۔
انکم ٹیکس کی ٹیم پانچ گاڑیوں میں بھلائی کے سوریا ریزیڈنسی میں واقع ریاستی سول سروس کی افسر سومیا چورسیا کی رہائش گاہ پر کل پہنچی، اور دروازے نہیں کھلنے پر اس کا تالا توڑ ا کر حاطے میں داخل هوئی ۔
اس کا دروازہ نہیں کھلنے پر انکم ٹیکس افسر احاطے میں ہی بستر لگا کر سو گے ۔ اس دوران چورسیا نہ تو پہنچیں اور نہ ہی رہائش کا دروازہ کھلا ۔ تھک ہار کر انکم ٹیکس ٹیم نے پورے گھر کی ویڈیوگرافی کی ، اور اس کے تقریبا دو درجن مقامات سیل کر کے انکم ٹیکس کا نوٹس چسپاں کر ديا ۔
حکام کو خدشہ ہے کہ رہائش گاہ میں کوئی نہ کوئی موجود ہے ۔ محکمہ آبکاری کے اسپیشل افسر اروپت ترپاٹھی کے گھر آج بھی انکم ٹیکس ٹیم چھاپے مارنے کی کارروائی کو جاری رکھے ہوئے ہے ، بھارت سنچار نگم (بی ایس این ایل) کے افسر ترپاٹھی ڈیپوٹیشن پر ریاستی حکومت میں تعینات ہیں ۔ ان کے یہاں سے انکم ٹیکس ٹیم کو کافی اہم معلومات ، بڑی مقدار میں نقدی، بیرون ملک سرمایہ کاری وغیرہ کی خبریں ملی ہیں ۔ اس کے علاوہ بھلائی میں آج فی الحال کسی اور کے یہاں ٹیم کی کارروائی کی اطلاع نہیں ہے ۔
