چھتیس گڑھ پولیس نے بتایا کہ ماؤنوازوں کی جانب سے بیجاپور میں نصب بارودی سرنگ کو ناکام بنانے کی کوشش کے دوران بم ڈسپوزل اسکواڈ کا ایک پولیس اہلکار زخمی ہوگیا۔ یہ آئی ای ڈی دھماکہ اینٹی نکسل آپریشن کے دوران پیش آیا۔
سیکوریٹی فورسس کی ماؤں وازوں کے خلاف کاروائی کے دوران گورنا۔منکیلی روڈ پر دھماکہ ہوا۔ پولیس کے مطابق آپریشن کے دوران ٹیم نے ایک اسٹیل باکس پایا جس میں آئی ای ڈی رکھا گیا تھا۔ جب بم ڈسپوزل اسکواڈ کا ایک اہلکار اسے ناکارہ بنانے کی کوشش میں تھا تب آئی ای ڈی دھماکہ ہوا جس میں وہ زخمی ہوگیا۔
پولیس کے ایک افسر نے بتایا کہ دھماکہ سے بی ڈی ایس کانسٹبل نرمل کمار شاہ کے چہرہ اور دیگر اعضا زخمی ہوگئے جنہیں فوری طور پر بیجاپور کے ضلعی ہسپتال منتقل کیا گیا جہاں ان کی حالت خطرے سے باہر ہے۔
